გვინდა დიდი გულისტკივილით გამოვეხმაუროთ ა/წ 26 დეკემბერს ტელეკოპანია ”ფორმულასა” და ”მთავარ არხზე” გასულ სიუჟეტებს, სადაც ასახული იყო სასულიერო პირთა უმძიმესი ზნეობრივი გადაცდომანი.
სამწუხაროდ უნდა ითქვას, რომ საქართველოს საპატრიარქოს გაუაზრებელ, ნაჩქარევი და არა სახარებისეულ პრინციპებზე დამყარებული საკადრო პოლიტიკა (ეს ეხება არამარტო დიაკვნებისა და მღვდლების, არამედ ეპისკოპოსების ხელდასხმებსაც) დიდ ზიანს აყენებს საქართველოს მართლმადიდებელ ეკლესიას და საქართველოს საზოგადოებას.
მოვუწოდებთ წმინდა სინოდს შეიმუშაოს წმინდა დიდ სჯულისკანონზე დაფუძნებული საკადრო პოლიტიკა და დროულად აღკვეთოს უღირსი პირების ხელდასხმები სასლიერო ხარისხში, ხოლო დამნაშავენი დროულად განაკანონოს.
COMMENTS